Hagsmunir nemenda
Stjórn nemendafélagsins hvetur nemendur til þess að kynna sér í þaula handbók nemenda en þar er að finna mikilvægar upplýsingar um allt er snertir nám og kennslu, verklag og reglur. Stjórn nemendafélagsins er í stöðugu og góðu samstarfi við skólastjórnendur og getur þannig vakið athygli á þeim málum er varða hagsmuni allra nemenda við skólann.
Í stjórn nemendafélagsins er hagsmunafulltrúi nemenda en netfang hagsmunafulltrúa er [email protected]. Nemendur geta leitað beint til hans eða beint fyrirspurnum á [email protected].
Félagslíf og viðburðir
Í fjarnámsskóla er mikilvægt að bjóða upp á gott félagslíf. Nemendafélagið skipuleggur allskyns viðburði fyrir nemendur, bæði á staðlotum og annarsstaðar. Stærsti viðburður skólaársins er árshátíðin en hún er haldin á vorönn ár hvert. Þá stendur félagið fyrir vísindaferðum ásamt því að undirfélögin, Justitia, Merkúr og Verus skipuleggja einnig sína eigin viðburði.
Tilgangurinn er ávallt að efla tengslanet nemenda og þekkingu, ásamt því að vera okkar góða skóla ávallt til sóma.
